Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Notas de prensa

Mostrando o intervalo 861 - 870 de 890 resultados.

Presentan na Casa de Galicia o destino turístico "Terras de Pontevedra"

Asistentes á presentación

O xefe territorial de Cultura e Turismo da Xunta de Galicia en Pontevedra, José María Picallo Búa, o subdirector xeral de Desenvolvemento e Sostibilidade Turística da Secretaría Xeral de Turismo e Comercio Interior, Gonzalo Ceballos Watling, e o presidente da Mancomunidade Terras de Pontevedra, Miguel Anxo Fernández Lores, acompañados polo coordinador de Actividades da Casa de Galicia, Ramón Jiménez -en representación do delegado da Xunta de Galicia en Madrid, José Ramón Ónega, que non puido acudir por motivos de saúde- e do Campión do Mundo de Triatlón, Javier Gómez Noya, presentaron hoxe na Casa de Galicia en Madrid o destino turístico Terras de Pontevedra.

Rosalía de Castro, unha persoa de gran cultura que intentou vivir da literatura, antepoñéndoa á maternidade

O autor durante a presentación

Rosalía de Castro foi unha persoa dunha gran cultura que intentou vivir como escritora profesional a Literatura e é autora de novelas novidosas e revolucionarias tanto dende o punto de vista da intención coma da estrutura, que viaxou a Madrid con intención de triunfar no mundo artístico e que antepuxo a súa profesión á maternidade, segundo explicou o catedrático de Literatura Francisco Rodríguez na conferencia que impartiu na Casa de Galicia en Madrid, "Para comprender a Rosalía e á súa obra".

A Casa de Galicia acolleu a presentación en Madrid da "Plataforma Internacional de Cooperación e Migración"

Entrega do premio

O novo organismo agrupa 21 organizacións no procedentes de diferentes países europeos e iberoamericanos.

Nace coa vontade de xuntar esforzos e formulacións para contribuír á xustiza social no mundo, a solidariedade internacional e o fortalecemento da paz.

Entre os seus obxectivos está promover proxectos conxuntos de cooperación.

Quince artistas vinculados ao Camiño Portugués unen as súas obras na exposición "Camiños", na Casa de Galicia en Madrid

Momento durante a presentación

Un total de quince artistas -catorce pintores e un fotógrafo- vinculados ao Camiño de Santiago Portugués unen as súas obras nunha exposición colectiva, "Camiños", que se exhibe ata o próximo 31 de marzo na Casa de Galicia en Madrid. Na inauguración da exposición, hoxe, interviñeron, o delegado da Xunta de Galicia en Madrid, José Ramón Ónega, o presidente da Fundación Camiño de Santiago, Celestino Lores, e o eurodeputado e presidente do Intergrupo Camiños de Santiago do Parlamento Europeo, Francisco Millán Mon, que estiveron acompañados por unha nutrida representación dos artistas que participan na exposición.

"Panorámica no tempo", unha mostra da dilatada traxectoria do escultor Santiago de Santiago na Casa de Galicia en Madrid

Asistentes á presentación da exposición

O recoñecido escultor Santiago de Santiago presentou esta tarde na Casa de Galicia de Madrid a exposición "Panorámica no tempo", unha mostra da súa dilatada traxectoria artística composta por máis dunha trintena de pezas en bronce, pedra volcánica e fibra de vidro sobre temas variados e entre as que se achan un busto da Raíña Dona Sofía e outro de Don Juan de Borbón. A exposición ocupa dúas das salas da Casa e pode verse ata o próximo día 31.

A Casa de Galicia segue ofrecendo o segundo ciclo de clases-conferencia "O espertar da mirada: obras mestras da arte occidental"

Diego Diz durante a conferencia

A Casa de Galicia, delegación da Xunta de Galicia en Madrid, acolleu hoxe a terceira clase-conferencia do ciclo titulado "O espertar da mirada: obras mestras da arte occidental", ofrecida polo profesor de Arte e director de cine Diego Diz quen falou sobre "Parellas" de Van Eyck e Piero della Francesca. O ciclo programado inaugurouse o 15 de decembro de 2010 cun tratado sobre retratos masculinos realizados por Rafael, El Greco e Kokoschka que expuxo Diz, ao que seguiu "os retratos femininos", de Palma o Vello, Degas e Beckman o 18 de xaneiro.

Cardigan Bridge ofreceu na Casa de Galicia o concerto, en solitario, "On the windowsill"

Cardigan Bridge

A cantautora coruñera Cardigan Bridge ofreceu esta tarde na Casa de Galicia de Madrid o concerto "On the windowsill", baseado no seu disco do mesmo nome, o primeiro traballo con temas propios da nova artista multidisciplinar Rebeca Ponte baixo o nome artístico de Cardigan Bridge. Cantou en solitario, acompañándose alternativamente de guitarra, acordeón e teclado, cando nas súas actuacións habituais adoita estar acompañada por músicos.

Paz Gago presenta na Casa de Galicia en Madrid o seu segundo poemario que leva por título "Guía de lugares inexistentes"

Momento durante a presentación

Xunto co autor, José María Paz Gago, no acto interviñeron o delegado da Xunta en Madrid, José Ramón Ónega; o escritor e ex ministro de Cultura, César Antonio Molina; as escritoras Clara Sánchez e Marisol Estéban; o editor e presidente do Pen Club de España, Basilio Rodríguez Cañada; e o escritor e catedrático de Dereito Mercantil da Universidade Alcalá, José Manuel Otero Lastres, para presentar o libro Guía de lugares inexistentes, publicado por Pigmalión Edypro.

A incidencia da anécdota en misións internacionais de turismo, obxecto dunha conferencia na Casa de Galicia

Momento durante a conferencia

A anécdota, o aleatorio, o accidental e as pistas que se descobren sen ser buscadas en actividades fóra da xornada laboral ou que cando se buscan noutra dirección poden ser determinantes no éxito dun proxecto internacional. O consultor en Turismo José Antonio Ferreiro Piñeiro experimentouno con frecuencia nas vinte misións internacionais, de consultoría e informes, que realizou por encarga da Organización Mundial de Turismo (OMT) e a Axencia Española de Cooperación Internacional, do Ministerio de Asuntos Exteriores.

Roberto Varela presenta a Cidade da Cultura en Madrid como un "novo templo do coñecemento e o saber que tamén é espazo público, distrito cultural e lugar de encontro"

Algunhas das autoridades presentes durante a presentación

O conselleiro de Cultura e Turismo, Roberto Varela, asegurou hoxe en Madrid que a Cidade da Cultura de Galicia representa "un novo e fascinante templo do coñecemento e o saber aberto ao mundo, que é tamén espazo público, distrito cultural e lugar de encontro". O espazo da Azotea do Círculo de Bellas Artes de Madrid acolleu a inauguración da mostra Peter Eisenman. Cidade da Cultura de Galicia', organizada pola Fundación Cidade da Cultura e que se poderá visitar ata o próximo 13 de marzo. O acto inaugural contou coa presenza do presidente do Círculo de Bellas Artes, Juan Miguel Hernández, o arquitecto norteamericano Peter Eisenman, e o delegado da Xunta en Galicia en Madrid, José Ramón Ónega.

Mostrando o intervalo 861 - 870 de 890 resultados.