Outros actos de Galicia en Madrid

Nesta sección recóllense outras actividades relevantes realizadas en Madrid por outras entidades.

Mostrando o intervalo 1 - 20 de 32 resultados.
  • 1
  • 2

Alejandra Seijas inaugura a "Exposición de fotografías del Rastro de Madrid", o venres 6 de septembro na sala Espacio Rastro Madrid

Invitación á "Exposición de Fotografías del Rastro de Madrid", de Alejandra Seijas.

Alejandra Seijas, madrileña descendente de pontevedreses de Lalín e fotógrafa da axencia Lalinpress, inaugura o vindeiro venres, 6 de setembro de 2019, a Exposición de fotografías del Rastro de Madrid, na sala Espacio Rastro Madrid (rúa San Cayetano, 5 – Madrid), ás 19,00 horas.

O Centro de Estudos Galegos da UCM celebra o Día das Letras Galegas no Ateneo de Madrid el 10 de maio

Invitación á celebración do Día das Letras Galegas do Centro de Estudos Galegos-UCM.

O Centro de Estudos Galegos da Universidade Complutense de Madrid celebra o Día das Letras Galegas cunha conferencia sobra a figura á que está dedicado este ano, a do escritor, historiador, antropólogo e etnógrafo Antón Fraguas, e un recital poético que terán lugar o próximo 10 de maio no Ateneo de Madrid (Rúa do Prado, 21, 28014 Madrid).

A Universidade Pontificia de Comillas ICAI ICADE programa, para o mércores 9 de maio, a conferencia "Francisco e Miguel Pradilla: dous artistas, dúas visións diferentes"

Invitación á conferencia sobre os pintores Francisco e Miguel Pradilla.

A Universidade Pontificia de Comillas ICAI ICADE (rúa Alberto Aguilera, 23, Aula O-306, Madrid) programa para o mércores 9 de maio, ás 20 horas, a conferencia "Francisco e Miguel Pradilla: dous artistas, dúas visións diferentes", que impartirá Soledad Cánovas del Castillo Sánchez.Marcos, doutora en Historia da arte e comisaria e autora do catálogo da exposición "Francisco e Miguel Pradilla. A tradición da pintura naturalista", que se exhibiu no Espacio Cultura Mira, de Pozuelo de Alarcón, o pasado mes de novembro.

Concerto de María do Ceo na Sala Galileo Galilei, o 7 de maio

1. Cartel anunciador do concerto en Madrid de María do Ceo, digna sucesora da gran Amalia Rodrigues, tal e como di dela a crítica especializada.

O martes 7 de maio, ás 21 horas a fadista María do Ceo ofrecerá un concerto na Sala Galileo Galilei (Calle Galileo, 100, 28015 Madrid), no que incluirá temas do seu último disco, un traballo no que fado e música galega conviven de novo. "Morriña" e "Saudade", fúndense na súa voz forte e tamén doce.

Para escoitar como soa María do Ceo PULSAR Aquí

Para adquirir entradas PULSAR AQUÍ, ou na propia sala.

Xosé A. Fraga presenta en Madrid o seu último libro, "Genio indomable. Roberto Nóvoa Santos"

Portada do libro GENIO INDOMABLE. ROBERTO NÓVOA SANTOS.

O director do Instituto José Cornide de Estudos Coruñeses e académico correspondente da Real Academia Galega, Xosé A. Fraga Vázquez, presenta o próximo 15 de febreiro de 2019 en Madrid o seu último libro, "Genio indomable. Roberto Nóvoa Santos", editado por EspacioCultura.

A presentación terá lugar ás 19,00 horas na librería La Lumbree (Rúa Granada, 48, Madrid. Metro Pacífico).

 

O presidente da Deputación de Ourense, Manuel Baltar, presenta en Madrid o libro "Ourense, la provincia termal"

Invitación á presentación do libro "Ourense, la provincia termal".

Madrid, 5 de febreiro de 2019.- A Deputación de Ourense presenta o 12 de febreiro de 2019 en Madrid o libro "Ourense, a provincia termal", ás 13,00 horas, no Círculo de Belas Artes (Alcalá, 42 – Madrid). A presentación estará a cargo do presidente da Deputación, Manuel Baltar, e é preciso confirmar asistencia en gabinete.presidencia@deourense.es.

 

Estréase en Madrid a película TRINTA LUMES da cineasta galega Diana Toucedo

1. Cartel de Trinta Lumes, cunha imaxe de Alba na noite do Courel.

"A maxia que emana da aldea", Gregorio Belinchón (El País); "O Twin Peaks galego", Philipp Engel (Fotogramas); "Brillante, suxestiva e sonámbula", Luís Martínez (El Mundo); "Unha obra tremendamente persoal, rebosante de esoterismo e misticismo arraigada ás raíces dunha terra tan remota como fermosa", Joan Salga (Filmin). Son algunhas das críticas recibidas por TRINTA LUMES, ópera prima da cineasta galega Diana Toucedo y que se proxectará no Círculo de Bellas Artes de Madrid os días 8, 9, 10, 15, 16 e 17 de febreiro. A súa protagonista é unha adolescente de 13 anos, Alba, que sente unha atracción irresistible polo descoñecido e o misterioso da súa contorna. Alba e Samuel, o seu mellor amigo, entran en casas abandonadas, percorren pobos destruídos e adéntranse no interior dunhas fascinantes montañas que esconden outro mundo paralelo. Unha viaxe que parte da inocencia para descubrir o misterio da loita entre a vida e a morte.

Para ver o trailer oficial pulsa AQUÍ

Para mercar entradas pulsa AQUÍ

Concerto de Luar na Lubre en Madrid para presentar o seu traballo sobre a Ribeira Sacra

1. Luar na Lubre, cartel anunciador do seu concerto en Madrid para o martes 4 de febreiro de 2019.

Luar na Lubre, grupo galego de folk con máis de 30 anos de traxectoría e cuxo tema Son do ar foi incluído por Mike Olfield no seu mítico álbum Voyager, ofrecerá un concerto o 4 de febreiro no Novo Teatro Alcalá para presentar o seu traballo dedicado á Ribeira Sacra, cuxa gravación se realizou na zona para destacar, a través da música, o valor histórico e etnográfico da paraxe natural que aspira a ser proclamada Patrimonio da Humanidade, e ademais para iso contou con destacados artistas como Víctor Manuel, a cantautora galega María Xosé Silvar Sés, a Coral de Ruada, Nani García, a asturiana Marisa Valle Roso, Juan Antepazo de Astarot, Irma Macías Suárez e Brais Maceiras.

Acceso ao vídeo:PULSAR AQUÍ

Para adquirir entradas: PULSAR AQUÍ e nos despachos de billetes do Teatro, o mesmo día.

O escultor galego Miguel Couto presenta a súa obra no hotel Elba Madrid Alcalá

1. Obra COMIGO do escultor galego Miguel Couto.

O escultor coruñés Miguel Couto expón do 5 ao 11 deste mes de novembro no hotel Elba (Rúa Alcalá 476, 28027 Madrid) unha selección das súas obras, especialmente en bronce, o seu material preferido. A mostra, que leva por título "Chegar", reune as de recente creación, todas elas modeladas e fundidas polo artista no seu taller-fundición de Arteixo (A Coruña). Está enmarcada na  2ª edición de Madrid Hotel Week, un evento no que participa Elba e que pretende dinamizar ofértaa hostaleira madrileña e o seu impacto na oferta turística nacional e internacional. Está previsto que o próximo ano Miguel Couto ofrecerá algunhas das súas creacións nas salas da Delegación da Xunta en Madrid/Casa de Galicia.

A Xuntanza de Galegos en Alcobendas celebra o sábado 3 de novembro o Magosto 2018

Cartel: Magosto 2018 da Xuntanza de Galegos en Alcobendas

A Xuntanza de Galegos en Alcobendas celebra 8 este sábado, 3 de novembro,  a festa da castaña, o Magosto 2018. Farao na Esfera de Alcobendas (Avenida Olímpica, 14) a partir das 19,30 horas, con repartición de castañas asadas acompañadas de viño de ribeiro, a presentación do acto por parte do alcalde da localidade, o concelleiro de Cultura e o presidente da asociación e, de 20 a 21 horas, a actuación do Grupo Folclórico e a Coral de Xuntanza.

 

Luar na Lubre presenta en Leganés o seu último traballo musical dedicado á Ribeira Sacra

1. Grupo Luar na Lubre.

Luar na Lubre, o grupo de referencia do folk galego, presentará o venres, 26 de outubro, ás 20 horas, no Auditorio da Universidade Carlos III de Madrid en Leganés, (Avenida da Universidade 30), o seu último traballo musical dedicado á Ribeira Sacra, cuxa gravación contou con destacados artistas como Víctor Manuel, a cantautora galega Ses, a Coral de Ruada, Nani García, a asturiana Marisa Valle Roso, Juan Antepazo de Astarot, Irma Macías Suárez e Brais Maceiras. Con máis de 30 anos de traxectoria, o grupo de folk coruñés converteuse en embaixador de Galicia por todo o mundo.

 

Para ver algún dos seus vídeos pulsa AQUÍ

Para adquirir entradas do concerto de Leganés pulsa AQUÍ

Concerto de Lume de Biqueira na sala A Riviera, o 13 outubro polo seu "XX Aniversario"

1. Cartel do concerto para celebrar o XX Aniversario da creación de Lume de Biqueira.

A internacional Banda de Gaitas Lume de Biqueira ofrecerá un extraordinario concerto na sala La Riviera o próximo 13 de outubro ás 19 horas, dentro dos actos programados para celebrar o vixésimo aniversario da súa formación. Será un acto ao grande no que tamén contarán co grupo folk Pan de Capazo que quixo acompañarlles en tan sinalada data.

Desde esta páxina queremos unirnos a tan grande acontecemento e difundilo entre todas aquelas persoas amantes da música tradicional pero tamén innovadora, con temas de sempre e outros que formarán parte do novo disco.  En Lume de Biqueira son, ante todo, uns loitadores que conseguiron superar con éxito duras etapas, só con esforzo, traballo e un tesón a proba de titáns, polo que merecen un recoñecemento adicional.

Para escoitar como soan pica AQUÍ

Para coñecer máis sobre Lume de Biqueira pica AQUÍ

Para comprar entradas pica AQUÍ

Estrea do documental MÁIS CA VIDA e a curtametraxe VIDA de Rubén Riós nos Cinemas Callao

INVITACION DO ESTREO EN MADRID. Para asistir é imprescindible confirmar no enderezo ou teléfono que se indican.

"Entrañable, emocionante, auténtico...", foron algunhas das palabras que se escoitaron no mes de abril  na Casa de Galicia tras a proxección do pase privado da curtametraxe "Vida" e o documental "Máis ca vida", dirixidos por Rubén Riós e protagonizados por persoas con discapacidade e actores como Javier Gutiérrez, Cristina Castaño, Luís Iglesia, Mariana Carballal... entre outros. Agora, tal como xa nos adiantaron entón, é a PRESENTACIÓN OFICIAL, con maiúsculas. Vai ser o xoves 27 de setembro nos cinemas Callao de Gran Vía e Rubén Riós comunicounos nunha carta moi agarimosa o seu desexo de que desde a Casa de Galicia convidemos a participar do gran momento a cantas persoas amigas da Casa queiran asistir. Dado que as prazas son moi limitadas é imprescindible solicitalo no correo info@claquetacoqueta.com

Proxección especial de "A estación violenta", da directora pontevedresa Anxos Fazáns nos Cinemas Yelmo Ideal de Madrid

A estación violenta, cartel da película

Mañá xoves día 21, ás 20 horas e nos cinemas Yelmo Ideal de Madrid  (Calle del  Doctor Cortezo, 6, 28012 Madrid), proxectarase a película "A estación violenta", da  xove directora pontevedresa Anxos Fazáns; "unha obra humilde no económico pero moi valente e fermosa". O acto contará co escritor e xornalista Manuel Jabois, autor da novela na que se basea a película, e tamén do novelista José Ángel Mañas -autor de "Historias del Kronen", novela que se converteu na icona de toda unha xeración e que foi levada á pantalla por Montxo Armendáriz-. Estará moderado por Beatriz Martínez -crítica de cinema en Fotogramas, El Periódico, Tentacións del País, e membro do comité de redacción de Caimán-Cadernos de cinema, Time Out, Rockdelux-.

O Centro Asturiano de Madrid e a Fundación Foro Jovellanos do Principado de Asturias organizan a Mesa Redonda titulada: "O Corredor Atlántico. Cohesión e Converxencia para o Noroeste español".

Invitación á Mesa Redonda.

Presenta D. Valentín Martínez-Otero, Presidente do Centro Asturiano de Madrid e Profesor da Universidade Complutense de Madrid.

Modera D. Francisco Rodríguez, Presidente de Reny Picot e Presidente do Consello Superior do Centro Asturiano de Madrid, e interveñen:

D. Ignacio García-Arango, Presidente da Fundación Foro Jovellanos do Principado de Asturias e Enxeñeiro de camiños, Canles e Portos (Asturias).

D. Anxo Mario Carreño, Exconselleiro de Ordenación do Territorio e Obras Públicas da Xunta de Galicia. Exvoceiro do Grupo de Transportes no Congreso de Deputados.Enxeñeiro de Camiños, Canles e Portos (Galicia).

D. Avelino Juan Aceiro, Vicepresidente da Fundación Foro Jovellanos do Principado de Asturias e Enxeñeiro de Camiños, Canles e Portos (Asturias).

D. Aurelio Rubio, Xerente de Agroferba e experto en Loxística (León).

Lugar: O acto será no Centro Asturiano de Madrid C/ Farmacia, 2 pl. 4ª, Salón Príncipe de Asturias (Metro: Tribunal, Chueca e Gran Vía)

Hora: Mércores, 30 de maio de 2018, ás 20 horas.

 

A Consellería de Cultura, Educación e Ordenación Universitaria e o Instituto Cervantes inauguran a exposición "A verdade entre as mans", de Baldomero Pestana

 Invitación á inauguración da exposición "A verdade entre as mans"

A Consellería de Cultura, Educación e Ordenación Universitaria da Xunta de Galicia e o Instituto Cervantes inauguran o xoves 15 de febreiro de 2018 a exposición "A verdade entre as mans", de Baldomero Pestana, na sala de exposicións do Instituto Cervantes en Madrid.

A Consellería de Cultura e o Instituto Cervantes celebran un acto conmemorativo das Letras Galegas

Convite ao acto.

A Consellería de Cultura, Educación e Ordenación Universitaria da Xunta de Galicia e o Instituto Cervantes celebran o martes 19 de decembro, ás 19 horas, un acto conmemorativo das Letras Galegas 2017, que este ano estiveron dedicadas ao escritor Carlos Casares Mouriño.

 

Preséntase en Madrid a novela histórica "Réquiem", da lucense María Dolores Seijas Soto

 Cartel elaborado para a promoción da novela.

Madrid, 24 de novembro de 2017.- A escritora lucense María Dolores Seijas Soto presenta en Madrid a súa novela histórica "Réquiem". O acto terá lugar o próximo 29 de novembro, mércores, ás 18,30 horas, no Instituto Polaco de Cultura ( C/ Felipe IV, 12 -Baixo A, Madrid).

 

Tenda Pop up "GALICIA. SABERES E SABORES", no Palacio de Santa Bárbara

InvitaciónPopUpSaberesESabores.

O Palacio de Santa Bárbara, situado na zona de Tribunal, (rúa Hortaleza, 87) acollerá do 15 ao 26 deste mes de novembro a TENDA POP UP GALICIA. SABERES E SABORES na que se mostrará unha ampla selección de pezas de máis de 50 artesáns de diferentes puntos de Galicia e que se acompañarán con degustacións e venda de produtos gastronómicos galegos. 

Estrea en Madrid da película "A palabra xusta" este fin de semana no Matadero

A palabra xusta, cartel da versión en castelán.

Este próximo fin de semana, o venres 27, sábado 28 e domingo 29 estréase na sala Estudio do  Matadero de Madrid, -aforamento limitado e entrada gratis ata completalo-, "A palabra xusta" dirixida por Miguel Piñeiro, que mostra a historia dunha mestra e pedagoga de 92 anos que regresa a Muras (Lugo) a unha casa parada no tempo. Alí Antía Cal Vázquez "Tita" inicia unha conversación cos seus recordos, as imaxes dunha vida atrapadas en vellas fotografías, a paisaxe de montaña que rodea a casa e a memoria conservada en vellas cartas do amor da súa vida, Antonio Beiras.

Mostrando o intervalo 1 - 20 de 32 resultados.
  • 1
  • 2