Eduardo Sampayo (Lugo, 1973) sempre sentiu fascinación pola expresión gráfica. As súas primeiras clases de debuxo artístico desenvolvéronse no Instituto Mixto Xoan Montes, onde tivo a sorte de ter como profesor a José López Guntín, un gran pintor que lle ensinou a debuxar e fomentou a súa afección pola arte figurativo e os retratos.

Con trinta e moitos anos, viviu unha tempada en Salamanca onde casualmente atopouse coa academia de pintura de Clara Lurueña Miguel, onde aprendeu a perfeccionar a súa técnica de debuxo artístico e a importancia da luz e a cor na pintura. En 2011 volve a Lugo e entra na academia de Antonio García Durán e alí, case de modo natural, aos poucos empezou a traballar sobre conceptos de pintura abstracta e contemporánea.

Aínda que ás veces dedícase a realizar ilustracións, debuxos e pinturas encadradas na arte figurativo, o seu estilo artístico é fundamentalmente a pintura abstracta, expresionista e formalista. Utiliza a pintura acrílica sobre diferentes texturas e superficies e a súa intención como pintor é provocar un impacto estético que transporte ao observador a espazos confortables máis aló das formas e as dimensións da pintura formal e representativa.

Con "Solaina", o artista pretende que o visitante se aproxime a ese balcón galego orientado ao sol convidándolle a mirar, a contemplar e dialogar cos xogos de luces, sombras e texturas que a vida, que a súa obra ofrécenos, converténdoo no seu lugar favorito.

EXPOSICIÓNS

Ano 2014
- Exposición individual no bar A Casa das Cores. 

Ano 2016 
- Exposición colectiva “Achegando Disparidades” no Museo Interactivo Histórico Lucense (MIHL).
-  Exposición Colectiva de Artistas Galegos celebrada no mosteiro de Samos.
-  Exposición colectiva “Soños” organizada pola artista lucense Luisa Paz Montenegro, na sala La Ferretería.

Ano 2017  
- Exposición individual “Alboradas de Metal” na sala La Ferretería. 
- Exposición colectiva organizada por Luisa Paz sobre Federico García Lorca, sala La Ferretería.

Ano 2018 
- Exposición individual “Moda e Meditación”, na concept store Bororo.

Ano 2019 
- Exposición colectiva de Luisa Paz Montenegro “Mulleres Libres”, sala La Ferretería.
- Exposición individual “Auroras de Vento”, sala Las Ferretería.

A mostra poderá contemplarse ata o 1 de decembro, en horario de 10 a 14 e de 16 a 20 horas. Festivos: de 10 a 14 horas.