Presentación da novela “CICATRICES EN LA SELVA”, de Jacinto Ruiz
O xornalista e escritor, vinculado durante toda a súa traxectoria profesional a La Voz de Galicia, presenta na Casa de Galicia a súa nova novela, que vira ao redor dun médico galego que se encarga de erradicar as vexigas no recentemente descolonizado Congo.
Baseada en feitos reais, “Cicatrices en la selva” narra a historia do Dr. Jorge Martínez, médico da OMS, na Selva do Congo durante os convulsos anos 60 e 70, movido polo anhelo de extinguir definitivamente as vexigas no seu último reduto, África.
Neste escenario de descolonización, revolución e misterios, atópase no epicentro de eventos históricos clave, desde o asasinato de Patrice Lumumba ata a revolución dos Simbas, coincidindo coa intervención no conflito do Che Guevara. Enfrontando o sufrimento humano, o Dr. Martínez tece unha trama épica de coraxe e de profundo crecemento persoal.
Recentemente casado, nunha España de posguerra, marcada pola influencia do catolicismo, o Dr. Martínez é contratado pola Organización Mundial da Saúde para erradicar as vexigas no Congo.
A través da intrahistoria do protagonista, a novela explora a liberación do seu pensamento nunha viaxe que vai máis aló da medicina. Cunha prosa envolvente, "Cicatrices en la selva" tece unha historia de cambio persoal, amor, e o impacto das decisións políticas na vida dun home que se ve obrigado a reformularse a súa identidade nun contexto cheo de violencia...