No acto de presentación acompañará ao autor Héctor Luis Suárez Pérez, Cátedra de Etnomusicoloxía do Real Conservatorio Superior de Música de Madrid.

Jesús García, leonés, músico e técnico de son, conta nun libro 60 anos de vida de Viana do Bolo e a súa. A través desta obra aborda a historia recente de España desde a memoria dun pobo galego.

"Cuaderno de Viana" é unha obra con gran contido histórico, cultural e etnográfico. Está composto por 75 capítulos que abarcan o período de 1700 a 2000 e inclúen documentos, lendas e relatos da Galicia interior: 75 relatos curtos de Viana do Bolo e comarca, 65 ilustracións, 570 páxinas en cor e en branco e negro, e 832 fotografías antigas, moitas delas inéditas.

O libro ten dous exordios: un do etnógrafo e poeta vianés, Juan Antonio Pinza García, dando unha visión do autor no seu tempo en Viana, e outro por Máximo Cayón Diéguez, Cronista Oficial da Cidade de León, falando do autor no seu tempo en León, desde 1967 ata a actualidade.

O libro, polo seu interese cultural e histórico, contou co apoio da Deputación de Ourense e do Concello de Viana do Bolo.