A Casa de Galicia en Madrid acolle a presentación da última obra de Manuel Lage "José Barro, fábrica de Chavín". Este libro percorre a traxectoria profesional de Barro, recoñecido como unha das figuras pioneiras do sector en Galicia, e ofrece unha análise pormenorizada da súa contribución aos primeiros pasos da automoción. Ademais, examina as relacións establecidas entre a factoría de Chavín e outros núcleos industriais que comezaban a despuntar naquela etapa.

A presentación terá lugar na sala Emilia Pardo Bazán ás 19,30h, con entrada libre ata completar a capacidade da mesma.