A Casa de Galicia en Madrid presenta Seica en Madrid, unha exposición do artista galego Xesús Carballido que invita a descubrir unha forma diferente de mirar e entender a arte.

A través de collages, ensamblaxes e composicións elaboradas con obxectos cotiáns e materiais recuperados, o artista transforma elementos aparentemente esquecidos en novas creacións cheas de significado. Unha proposta que combina imaxinación, memoria e creatividade, e que nos convida a deternos nos pequenos detalles e descubrir novas posibilidades naquilo que nos rodea.

A mostra constitúe unha oportunidade para achegarse ao universo artístico de Xesús Carballido e seguir dando visibilidade á creación e ao talento galego en Madrid.