A Casa de Galicia en acolle durante este mes de febreiro a exposición de pintura  “CONVERSACIONES CON LA COTIDIANIDAD” do artista de Val Miñor, David Quinteiro, coñecido por pintar retratos de interlocutores dos grandes cafés galegos. 

O autor trae á Casa de Galicia unha mostra de retratos e escena cotiás que conectan rapidamente co público, e que consta de varias series con temáticas concretas que se involucran unhas con outras dialogando e construíndo historias fílmicas. 

David Quinteiro, licenciado en Belas Artes pola Universidade de Vigo, é un observador do cotián; a través da súa pintura, as cousas pasan de ser un obxecto a unha paisaxe, a unha onda ou a unhas plantas silvestres comestibles. 

A Quinteiro o cotián envólveo e o deglute, é a súa salsa e a súa potencialidade. Pintor ata a medula cre que o excepcional ás veces atópase no máis próximo e que a maxia da pintura roxe da propia materia encadrando o observado.

O seu maior interese é mostrar a través da pintura as cousas tal e como as ve, tal como preséntanse ante a luz e a sombra, coas súas cores, profundando na beleza propia do natural, dunha forma sincera.

A exposición poderá visitarse na sala Emilia pardo Bazán, da Casa de Galicia en Madrid, até o vindeiro xoves, 29 de febreiro, en horario de 10 a 14 e de 16 a 20 horas. Festivos: de 10 a 14 horas.