O DIRECTOR DA CASA DE GALICIA EN MADRID, JUAN SERRANO, ACOMPAÑOU AO CONSELLEIRO DE CULTURA, EDUCACION, FORMACIÓN PROFESIONAL E UNIVERSIDADES NA PRESENTACIÓN DA OBRA DO ARTISTA GALEGO MANOLO PAZ
Madrid, 10 de outubro de 2022.- O director da Casa de Galicia en Madrid acompañou na mañá do pasado venres ao conselleiro de Cultura, Educación, Formación Profesional e Universidades na presentación da obra do artista Manolo Paz en Madrid, na que tamén se fixeron presentes, o alcalde de Madrid, José Luis Martínez-Almeida e a delegada da área de Cultura, Turismo e Deporte, Andrea Levy.
A exposición itinerante “A distancia que nos une” do artista Manolo Paz, xa se pode contemplar nos lugares máis emblemáticos de Madrid. Desde a Praza de Colón ata Paseo do Prado poderanse contemplar doce obras deste artista, que pretende converter a materia inerte en obra de arte.
Esta exposición no espazo público servirá para celebrar este primeiro aniversario da designación da Paisaxe da Luz por parte da UNESCO.