Juan Serrano, director da Casa de Galicia en Madrid participou na proposta turística de Ferrol, que desembarcou en Madrid o pasado martes ante medio centenar de medios de comunicación e axencias de viaxes para dar a coñecer o que esta cidade ten para ofrecer ao visitante.

O acto deu comezo, presentado polo CEO do Grupo RVEdipress e Director do programa ‘Miradas Viajeras’ de Radio e TV, Fernando Valmaseda, quen, en todo momento, achegou a súa particular forma de sentir, contar e compartir historias do destino cos asistentes. Foi o encargado de presentar o vídeo promocional ‘É o destino. É Ferrol’, Tras el, Eva Martínez, concelleira de Turismo e Patrimonio Histórico do Concello de Ferrol, tomou a palabra para explicar aos asistentes as bondades da cidade, os seus recunchos e os seus grandes atractivos gastronómicos. 

Seguiulle a presentación das soadas Pepitas de Ferrol, unha noite na que as agrupacións musicais ou ‘rondallas’, preséntanse coas súas respectivas madriñas. Estas rondallas percorren as rúas louvando ás mulleres ferrolás, cantándolles baixo os seus balcóns, para finalmente xuntarse na Praza de Amboage, onde brindan un espectáculo de valses e habaneiras baixo unha carpa. Pedro Blanco, membro destas agrupacións e coordinador das rondallas de Ferrol, tomou a palabra para pór en valor unha festa tan marcada no folclore ferrolán e que o Concello de Ferrol está a avanzar na tramitación do expediente para que sexa declarada Festa de Interese Turístico Nacional. 

A continuación foi a quenda de Eduardo Hermida, artista e impulsor de ‘As Meninas de Canido’, unha iniciativa que converte ao barrio nun lenzo xigante, asolagando as fachadas de cor e vida a través de murais elaborados por diferentes artistas. O proxecto, con máis de 15 anos de vixencia, pretende rehabilitar o barrio tras a crise da industria naval que provocou o seu práctico abandono. Hermida contou aos asistentes desde un punto de vista emotivo e persoal as raíces dun proxecto que lle toca de cerca, xa que el mesmo é veciño do barrio de Canido.

A Semana Santa, Festa de Interese Turístico Internacional desde 2015, é unha das apostas máis fortes da Sociedade Mixta de Turismo de Ferrol. Cinco confrarías e máis de 3000 confrades que desde o Domingo de Ramos ata o Domingo de Resurrección recrean a vida, paixón e morte de Cristo enchendo as rúas de sentimento, devoción e solemnidade. 

O acto proseguiu coa presentación da terceira edición do Festival Ilustrado, que se celebrará do 14 ao 16 de abril. Mediante un TikTok que resultou gañador no concurso creativo entre escolares, promovido hai uns meses polo Concello de Ferrol para divulgar a candidatura da cidade a Patrimonio Mundial. 

O último gran baluarte que presentou Ferrol en Madrid é o seu Patrimonio Histórico. Da man de Isabel Díaz-Robles, xerente de Ferrol Guías, os presentes puideron coñecer de primeira man cales son os argumentos cos que conta a cidade para optar a ser declarada Patrimonio da Humanidade pola UNESCO. Ademais, Díaz-Robles recalcou a ampla gama de actividades e recunchos que poder visitar tanto en parella, como grupos de amigos e familias, concluíndo con que Ferrol é un destino para todos os públicos. 

Anxo Mato, alcalde de Ferrol, clausurou o acto de presentación cunha alegación de porqué Ferrol é un destino que acolle a todos os visitantes durante todo o ano. Tamén animou aos asistentes a percorrelo con calma para coñecer todas as facetas dunha cidade con elementos únicos en todo o país.