A Casa de Galicia en Madrid acolleu a presentación por parte da editorial alhenamedia do libro publicado o pasado 9 de maio co título "Camiño nebuloso", de Xosé Neira Vilas, con prólogo de María Luz Barreiro Otero. Esta é a primeira vez que se publica este título en castelán en España, aínda que se editou en castelán por primeira vez en 1961 na Habana.

Na presentación participaron Clara García Vila, profesora do Centro de Estudos Galegos da UCM; e Francisco Bargiela, director da editorial Alhenamedia.

Xosé Neira Vilas (1928-2015) é un dos grandes escritores galegos. A súa obra "Memorias dun neno labrego" está considerada unha das obras mestras da literatura galega. A súa vida dedicada a Galicia e a escribir en galego, fixéronlle merecedor de numerosos recoñecementos, entre os que destacan o ser nomeado membro da Real Academia Galega ou Doutor Honoris Causa pola Universidade da Coruña.
Xosé Neira nárranos en "Camiño nebuloso" a historia de dous emigrantes galegos que viaxan a terras arxentinas en busca de riqueza, pero que, como moitos, non o conseguen. Unha novela dura e dramática que segue a vida de angustia, incertezas, pobreza, desarraigamento e illamento do seu protagonista.