O acto comezou cunhas palabras de benvida do Coordinador de Actividades da Casa de Galicia, Ramón Jiménez, quen destacou o “amplo abanico de posibilidades viaxeiras polo territorio galego que propón esta guía”, sinalando que “a rede de riquezas a descubrir que tecen as viaxes que suxire, é dicir os camiños, é extraordinaria; e non só os de peregrinación que conflúen en Santiago, especialmente neste ano Santo Xacabeo en que nos atopamos, senón tamén os múltiples roteiros, grandes e pequenas, e pequenas grandes: dos bos soños, das fariñas, dos faros, dos viños, e un longo etcétera de innumerables carreiros. Por terra e por mar, así como por vía fluvial, estamos sen dúbida ante unha guía de altos voos”. Para terminar dicindo que “se o viaxeiro desprega esta guía cal mapa do tesouro, acabará por converterse, por moi incrédulo que sexa, en devoto de Galicia, en peregrino para sempre das súas xoias incomparables”.

Finalmente tomou tamén a palabra Carla de Bulgaria, convidada por Álex Regueiro.