Presentan na Casa de Galicia o destino turístico "Terras de Pontevedra"

Notas de prensa
03/11/2011
03/11/2011
11/03/2011

Presentan na Casa de Galicia o destino turístico "Terras de Pontevedra"

Entre os asistentes á presentación, dirixida á prensa e aos profesionais do sector, tamén se achaban o alcalde de Ponte Caldelas, Perfecto Rodríguez, o presidente da Asociación de Amigos do Camiño Portugués, Tino Lores, e personalidades vinculadas a Pontevedra como Gerardo Lorenzo e Sabino Torres.

O xefe territorial de Cultura e Turismo da Xunta de Galicia en Pontevedra, José María Picallo Búa, o subdirector xeral de Desenvolvemento e Sostibilidade Turística da Secretaría Xeral de Turismo e Comercio Interior, Gonzalo Ceballos Watling, e o presidente da Mancomunidade Terras de Pontevedra, Miguel Anxo Fernández Lores, acompañados polo coordinador de Actividades da Casa de Galicia, Ramón Jiménez -en representación do delegado da Xunta de Galicia en Madrid, José Ramón Ónega, que non puido acudir por motivos de saúde- e do Campión do Mundo de Triatlón, Javier Gómez Noya, presentaron hoxe na Casa de Galicia en Madrid o destino turístico Terras de Pontevedra.

Madrid, 11 de marzo de 2011. O xefe territorial de Cultura e Turismo da Xunta de Galicia en Pontevedra, José María Picallo Búa, o subdirector xeral de Desenvolvemento e Sostibilidade Turística da Secretaría Xeral de Turismo e Comercio Interior, Gonzalo Ceballos Watling, e o presidente da Mancomunidade Terras de Pontevedra, Miguel Anxo Fernández Lores, acompañados polo coordinador de Actividades da Casa de Galicia, Ramón Jiménez -en representación do delegado da Xunta de Galicia en Madrid, José Ramón Ónega, que non puido acudir por motivos de saúde- e do Campión do Mundo de Triatlón, Javier Gómez Noya, presentaron hoxe na Casa de Galicia en Madrid o destino turístico Terras de Pontevedra.

O Plan de Dinamización de Produto Turístico Terras de Pontevedra, que esta é a súa definición técnica, xurdiu a raíz dun convenio de colaboración subscrito o 8 de maio de 2007 polo Ministerio de Industria, Turismo e Comercio, a Consellería de Innovación e Industria, a Mancomunidade de Terras de Pontevedra, a Cámara de Comercio, Industria e Navegación de Pontevedra, e a Asociación de Turismo da Bisbarra de Pontevedra. Comprende oito municipios, que son Pontevedra, Marín, Poio, Ponte Caldelas, Vilaboa, Cotobade, Barro e Campo Lameiro.

Na presentación da campaña, que leva con título "Camiña entre dúas augas" mostrouse á Mancomunidade Terras de Pontevedra como un destino turístico de alta calidade que ofrece todas as variantes turísticas posibles e atractivos como dispoñer do "maior museo ao aire libre de arte rupestre" en España.

No acto proxectáronse dous vídeos, un xenérico sobre a bisbarra pontevedresa e outro dedicado ao Campionato de Europa de Triatlón que se celebrará en Pontevedra o próximo mes de xuño. Entre os asistentes á presentación, dirixida á prensa e aos profesionais do sector, tamén se achaban o alcalde de Ponte Caldelas, Perfecto Rodríguez, o presidente da Asociación de Amigos do Camiño Portugués, Tino Lores, e personalidades vinculadas a Pontevedra como Gerardo Lorenzo e Sabino Torres.

11 Marzo 2011
Notas de prensa
Imaxes