Máis de 60 adegas das distintas Denominacións de Orixe dos Viños de Galicia danse cita co público na ‘Primavera de Puertas Abertas nos Roteiros dos Viños de Galicia’, unha inciativa de Turismo de Galicia e a Asociación dos Roteiros dos Viños de Galicia que aglutina un completo programa de actividades de enoturismo, gastronomía e lecer nos 5 territorios vitivinícolas da comunidade autónoma.
A partir do 5 de maio e durante fins de semana entre os meses de maio e xuño pódense facer visitas guiadas e gratuítas a calquera das 65 adegas participantes, comer nalgún dos restaurantes que elaboraron 2 menús para elixir especialmente concibidos para a ocasión, e pernoitar en calquera dos 22 aloxamentos (casas rurais, hoteis e Paradores de Turismo) participantes nesta Primavera de Puertas Abertas.
Haberá tres quendas para visitar as adegas os sábados e un o domingo, co seguinte horario:
Sábado: 11:00 h, 12:30 h e 17:00 h
Domingo: 12:00 h
Recoméndase confirmar previamente por teléfono a visita coa adega elixida
CALENDARIO
Roteiro do Viño de Valdeorras – do 5 ao 7 de maio (Programa completo)
Roteiro do Viño de Ribeiro – do 12 ao 14 de maio (Programa completo)
Roteiro do Viño de Rías Baixas– do 19 ao 21 de maio (Programa completo)
Roteiro do Viño de Ribeira Sacra – do 26 ao 28 de maio (Programa completo)
Roteiro do Viño de Monterrei – do 2 ao 4 de xuño (Programa completo)
En cada Roteiro poderase gozar ademais dun programa especial de actividades para a fin de semana: autobuses do viño, catas comentadas, visitas a museos, roteiros monumentais, paseos en barca, e outras accións relacionadas co mundo do viño.
CONCURSOS EN FACEBOOK
Na páxina de Facebook de Turismo de Galicia realizaranse varios sorteos con premios dunha noite de aloxamento para dúas persoas nalgún dos establecementos participantes a elixir, así como a comida do día seguinte nun dos restaurantes asociados ao Roteiro correspondente. Para participar: https://www.facebook.com/turgalicia/
