Baseada no diario do doutor Eduardo Martínez Alonso de 1942, aparecido por sorpresa durante unha mudanza décadas despois, a súa filla Patricia, decide indagar máis a partir destas concisas anotacións privadas. Unha investigación familiar que se vai convertendo en histórica segundo avanza a súa procura nos arquivos británicos, ata redondear o complexo armazón sociopolítico anglo-hispano ocorrido en España, ao cabo de varios anos. É así como Patricia Martínez de Vicente descobre que o seu pai formaba parte do equipo do M16, dedicado aos rescates humanitarios de xudeus e refuxiados fuxindo dos países sometidos ao III Reich ao longo da II Guerra Mundial. Unha secretísima labor humanitario xunto ao Servizo Secreto Británico operando desde a neutral España con quen colaboraba o seu pai de xeito conxunto desde a Embaixada Británica en Madrid a través da Cruz Vermella Española.

PATRICIA MARTÍNEZ DE VICENTE é licenciada en Estudos Latinoamericanos pola Universidade de Portsmouh especializándose en antropoloxía social. En anos sucesivos alternou a súa vida universitaria e laboral entre España, Reino Unido e México, sendo investigadora do Colexio de México entre 1997 e 2000. En 2003 sae publicada a súa primeira obra literaria: Embassy y la Inteligencia de Mambrú, na que recrea o inicio das experiencias vividas polo seu pai co Servizo Secreto dentro das actividades humanitarias que levaron a cabo desde a Embaixada Británica en Madrid na II Guerra Mundial. Tema sobre o que escribiu outras novelas posteriores, artigos e impartido conferencias en varios países. 

Acompañarán á autora na presentación: María Concepción Ybarra, profesora titular de Historia Contemporánea da UNED e escritora; e Ángel Jiménez, director do editorial Grupo Éride.