Carmen Prado é unha pintora autodidacta que pinta por afección e por pura intuición. Tras máis de 20 anos dedicada ao debuxo anatómico e científico en revistas e libros especializados, realiza en 2013 a súa primeira exposición pictórica. Nestes dez anos, a súa obra chegou a Inglaterra, Irlanda, Dinamarca, Francia, Andorra, Marrocos, Portugal, Houston, Italia, Noruega e a gran parte do territorio español. Os aspectos máis destacables da súa obra son o uso da cor e que pinta, eminentemente, figura feminina, aspecto polo que a prensa en xeral comezou a denominala “a pintora das mulleres”.

A mostra poderá visitarse ata o 31 de outubro en horario de 10 a 14 e de 16 a 20 horas. Domingos e festivos: de 10 a 14 horas.

Segundo Manuel Nieto (Nietto), artista, comisario e crítico de arte: Carmen Prado conta cun estilo propio e peculiar “a medio camiño entre o cómic e o surrealismo”, creando lenzos que resplandecen con figuras de aspecto teatral.
Con pincel fino de sabia execución, ademais de libre, delicada e chea de matices, Carmen Prado dá forma ás súas creacións con trazos finos e arriscados que dan forza a uns personaxes repletos de expresividade acentuada por unha paleta de cores vivas e ben contrastados con tons apagados e brillos medidos”.

Para Daniel Areas (director Salga Aires de Córdoba e Membro da Asociación internacional de críticos de Arte): A autora enfróntase coa realidade do devir cotián e costumista e plasma sobre o lenzo esa narrativa urbana que lle colma de sentimentos e emocións. Os rostros das súas mulleres expresan desde a aparente indolencia e languidez das súas miradas, unha realidade coñecida e latente.

A plena frustración do correr do tempo enche de melancolía as súas almas. Son mulleres que viven, sofren, e padecen o materialismo dunha sociedade que as aprisiona. Distintas xeracións, pero una mesma realidade que se mantén co paso dos anos, onde a desidia arroxa un indicio de esperanza.

• 1990-2006: Ilustradora de 13 libros e/ou publicacións científicas ou de divulgación.
• 1996-2007: Ilustradora, deseñadora e redactora de Revístaa “Masaxe, Técnicas Manuais e Terapias Naturais”. Revista bimestral de ámbito internacional.
• 2013-2023: 39 exposicións individuais, 40 exposicións colectivas (nacionais e internacionais) e 12 certames
internacionais (medalla de bronce no “7th International Exhibition Of Small Format 20x20 cm”, Figueira daFoz-Portugal-2017).

OBRA EN EXPOSICIÓN PERMANENTE:

• TROCO-Antigüidades (A Guarda-PONTEVEDRA).
• Galería Artenmala (Faría-Mala-LANZAROTE).
• Museum of The Americas (Houston-Texas-EEUU).
• Galería Galicca Internacional (Santiago de Compostela). https://gallica.com/.
• Salga Cultura Concello de Vilalba (Lugo).
• Salga Cultura Concello de Burela (Lugo).
• Liceo de Ourense.
• Ateneo Ferrolán (A Coruña).
• Sala exposicións Tambre. Santiago de Compostela.