A Casa de Galicia en Madrid acolle durante o mes de setembro a exposición de pintura de Joaquín Moldes González. O artista natural de Sanxenxo e afincado en Punxín, Ourense, comezou a súa traxectoria artística hai tan só dous anos e tras ser diagnosticado de Párkinson. Este diagóstico resultou ser un inesperado impulso á súa carreira como artista, xa que Joaquín serviuse da pintura para exercitar e mellorar a súa destreza manual. 

A exposición estará aberta desde o martes 3 ata o luns 30 de setembro. Pode visitarse de luns a sábado de 10:00 a 14:00 horas e de 16:00 a 20:00 horas. Os domingos e festivos estará aberta de 10:00 a 14:00 horas.