O grupo A Contraluz regresa ao auditorio do Colexio San Agustín o próximo 30 de setembro coa súa vibrante mensaxe musical dirixido,nesta ocasión, ás asociacións galegas Asomega E DisCamino, que se unen para dar forma ao soño de levar ao Camiño de Santiago aos nenos aos que coida a entidade Unha Mirada en Marte.
Asomega aglutina aos médicos galegos que exercen a súa profesión en calquera parte do mundo. En colaboración coa Xunta de Galicia e coa complicidade da Contraluz organiza este concerto cuxos beneficios se destinarán a que DisCamino, asociación que axuda a persoas con capacidades diferentes a facer o Roteiro Xacobea, organice a aventura para os nenos con discapacidade intelectual integrados nunha
Mirada en Marte. A Contraluz recupera para a ocasión unha parte do seu amplo repertorio de temas inesquecibles, do pop e do folclore suramericano e español.
A paixón pola música deste grupo composto por 45 membros, así como un afán altruísta e filantrópico, conforman un peculiar e emotivo espectáculo que camiña sobre un groso fío condutor que subliña os valores humanos, musicais e fraternos.

Preguntas crave e as súas respostas:

1. CAL É O FIN DO CONCERTO?
Recadar fondos para que DisCamino leve aos mozos dunha Mirada en Marte, discapacitados intelectuais, a facer o Camiño de Santiago.

2. QUEN SON "A CONTRALUZ"?
Un grupo de 45 amigos de distintas idades e profesións tolos pola música cuxas actuacións sempre teñen carácter benéfico e solidario.

3. QUE PAPEL XOGA ASOMEGA?
A Asociación de Médicos Galegos, a través do seu brazo solidario Asomega Axuda, xestiona o evento e actúa de nexo entre A Contraluz e as dúas entidades receptoras da acción: DisCamino e Unha Mirada en Marte.

4. CANDO É, ONDE E CANTO COSTA?
30 de setembro ás 19:00 h. no Salón de Actos do Colexio San Agustín de Madrid (Rúa do Pai Damián, 18). A entrada vale 12 euros.

5. COMO PODO COMPRAR ENTRADAS? Só online, a través da plataforma EvenBrite. Se ten algunha dificultade, póñase en contacto connosco en info@asomega.es.

6. As ENTRADAS ESTÁN NUMERADAS?
Non. O Salón de Actos do Colexio San Agustín irase enchendo segundo chegue o público.
Recibirá por email as entradas, pode imprimilas ou mostralas no móbil.

7. NON PODO IR PERO QUERO COLABORAR. COMO PODO FACELO?
Dispoñemos dunha "Fila 0" para quen queira facer o seu donativo. Para iso basta con emitir unha transferencia bancaria á conta de Asomega:
ES74 2100 0793 0413 0020 1137

8. ADEMAIS DE ASISTIR Ao CONCERTO, PODO CONTRIBUÍR Á FILA CERO?
Por suposto, pero son operacións diferentes: a compra faise en EvenBrite e a contribución á Fila Cero, por transferencia á conta indicada.

Para máis información:
info@asomega.es