Xa está aquí a "Primavera de Puertas Abertas nos Roteiros dos Viños de Galicia", unha cita ineludible entre os amantes do bo viño e as 76 adegas das 5 Denominacións de Orixe dos Viños de Galicia que participan na edición deste ano 2024. Unha iniciativa de Turismo de Galicia e a Asociación dos Roteiros dos Viños de Galicia que pon ao dispor do público un completo programa de actividades de enoturismo, gastronomía e lecer nos 5 territorios vitivini?colas da comunidade autónoma.
A partir do 3 de maio e durante fins de semana de maio e o primeiro de xuño ofrécense visitas guiadas gratuítas ás adegas participantes na promoción, con degustación dos mellores viños de cada denominación, menús especialmente preparados para a ocasión polos restaurantes asociados, e pernoitas en calquera dos 22 aloxamentos (casas rurais, hoteis e Paradores de Turismo) participantes nesta Primavera de Puertas Abertas.
En cada Roteiro poderase gozar ademais dun programa especial de actividades para a fin de semana: catas comentadas, visitas a museos, roteiros monumentais, paseos en barca, e outras accións relacionadas co mundo do viño.
Ademais poñerase en cada roteiro os "autobuses do viño", un servizo de transporte para visitar as adegas que estará activo durante todo o día de cada sábado e domingo, e no que os asistentes estarán acompañados dun guía turístico.
As visitas guiadas ás adegas faranse en tres quendas os sábados e un o domingo, co seguinte horario:
Sábado: 11:00 h, 12:30 h e 17:00 h
Domingo: 12:00 h
Recoméndase confirmar previamente por teléfono a visita coa adega elixida
CALENDARIO E PROGRAMAS
Roteiro do Viño de Valdeorras ? do 3 ao 5 de maio (Programa completo)
Roteiro do Viño de Rías Baixas? do 10 ao 12 de maio (Programa completo)
Roteiro do Viño de Ribeiro ? do 17 ao 19 de maio (Programa completo)
Roteiro do Viño de Ribeira Sacra ? do 24 ao 26 de maio (Programa completo)
Roteiro do Viño de Monterrei ? do 31 de maio ao 2 de xuño (Programa completo)
CONCURSOS EN FACEBOOK
Con motivo desta Primavera de Puertas Abertas, na páxina de Facebook de Turismo de Galicia celebraranse 3 concursos por cada unha das 5 denominacións de orixe, nos que se sortearán un total de 15 premios dunha noite de aloxamento para dúas persoas nalgún dos establecementos participantes a elixir, así como a comida do día seguinte nun dos restaurantes asociados ao Roteiro correspondente.
Descarga o FOLLETO DA PROMOCIÓN
